منیلا : ایشیائی ترقیاتی بینک کی جانب کی آئندہ دو برسوں کیلئے بزنس پلان جاری کر دیا، بزنس پلان کے مطابق پاکستان کو دو سال میں چار ارب ستر کروڑ ڈالر ملیں گے۔
ایشیائی ترقیاتی بینک کے نئے بزنس پلان میں پاکستاب کو خطیر رقم ملے گی، یہ رقم توانائی ، ٹرانسپورٹ، زراعت ، پبلک سیکٹر مینجمنٹ، سماجی اور مالیاتی منصوبوں کیلئے دی جائے گی۔
اس رقم میں تین ارب انتالیس کروڑ روپے ریگیولر قرضے جبکہ ایک ارب اٹھائیس کروڑ کے راعئتی قرضے شامل ہیں۔
اے ڈی بی کی جانب سےتوانائی سیکٹر کیلئے ایک ارب ڈالر تک دیئے جانے کا امکان ہے۔
وزارت خزانہ کے اعداد وشمار کے مطابق رواں سال بھی پاکستان اے ڈی بی کے مختص کردہ پانچ ارب اسی کروڑ ڈالر بجٹ میں سے صرف ایک ارب نوے کروڑ روپے استعمال کرسکا تھا۔
معاشی تجزیہ کاروں کا کہنا ہے کہ خراب حکومتی کار کردگی کے باعث ان غیر ملکی سستے قرضوں سے فائدہ نہیں اٹھایا گیا۔
مزید پڑھیں : ایشیائی ترقیاتی بینک کی پاکستان کیلئے 80کروڑ ڈالر قرض کی منظوری
یاد رواں سال ستمبر میں ایشیائی ترقیاتی بینک نے پاکستان کیلئے 80 کروڑ ڈالرز کے قرضے کی منظوری دی تھی، یہ قرضہ سندھ ، بلوچستان اور کے پی کے میں رابطہ بڑھانے ،سڑکوں کی مرمت اور تعمیرکیلئے استعمال کیا جائےگا۔
بینک کے مطابق قرضہ تین اقساط میں دیا جائے گا، قرض کے پہلی قسط رواں سال جاری کر دی جائے گی، جس کا حجم اٹھارہ کروڑ ڈالر ہوگا۔ دوسری اور تیسری قسط دوہزار انیس میں 26 کروڑ ڈالرز اور دو ہزار اکیس میں 36 کروڑڈالرز جاری کی جائیں گی۔