اسلام آباد : یوٹیلٹی اسٹورز پر رمضان ریلیف پیکیج کا 20 مارچ سے آغاز ہوگا، جس میں بی آئی ایس پی 1 ارب 15 کروڑ جبکہ عام صارفین کو3 ارب 84 کروڑ کا ریلیف ملے گا۔
تفصیلات کے مطابق یوٹیلٹی اسٹورز پر 5 ارب کے رمضان ریلیف پیکیج کا 20 مارچ سے آغاز ہوگا۔
یوٹیلیٹی اسٹور پر 19 اشیا کا پیکج 2 طبقات میں تقسیم ہوگا اور بی آئی ایس پی 1 ارب 15 کروڑ جبکہ عام صارفین کو3 ارب 84 کروڑ کا ریلیف ملے گا۔
غریب طبقے کو گھی پر 100، آٹا 52، چینی پر30 روپے سبسڈی ملے گی جبکہ 10 کلو آٹے کا تھیلا 400 روپے، گھی 300، چینی 70 روپے کلو ملے گی۔
عام صارفین کو آٹے پر27 روپے، چینی 11 اور گھی پر25 روپے کلو سبسڈی ملے گی جبک عام صارفین کو 10 کلو آٹا 648، گھی 490، چینی 89 روپے کلو میسر ہوگی۔
تمام صارفین کو دالوں پر 20 روپے فی کلوسبسڈی ملے گی ، کوکنگ آئل پر 25، بیسن اور کھجور پر ، مشروبات پر 15 سے 30 فیصد ریلیف ملے گا۔
اس کے علاوہ پتی پر 100 روپے، دودھ پر 30 روپے اور مصالحوں پر 10 فیصد رعایت ملے۔
