اسلام آباد : حکومت نے آئی ایم ایف پروگرام کی بحالی کیلئے بجلی، گیس مہنگی سمیت ٹیکسوں میں اضافے سے عوام پر مہنگائی کا اضافی بوجھ ڈال دیا۔
تفصیلات کے مطابق حکومت کی جانب سے آئی ایم ایف پروگرام کی بحالی کیلئے عوام پر 700ارب روپے کا اضافی بوجھ ڈال دیا گیا۔
بجلی،گیس مہنگی اور ٹیکسوں میں اضافے کی صورت میں عوام پر مہنگائی کااضافی بوجھ ڈالاگیا۔
ذرائع نے بتایا کہ جون تک گیس صارفین سے 310 ارب روپے وصول کئے جائیں گے جبکہ منی بجٹ کے ذریعے 170ارب روپے سے زائد حاصل کئے جائیں گے۔
ذرائع کا کہنا ہے کہ اضافی سرچارج کی مد میں بجلی صارفین سے76 ارب روپے ریکور کئے جائیں گے۔
بجلی سہہ ماہی ایڈجسٹمنٹ میں مہنگی ہونے سے73 ارب روپے حاصل ہوں گے جبکہ کسانوں اور رآمدی شعبےکیلئےبجلی پرسبسڈی ختم ہونےسے65ارب روپےحاصل ہوں گے۔
