لاہور : پنجاب میں وزیراعلی کے انتخاب سے قبل ہی ایڈیشنل چیف سیکرٹری داخلہ ظفر نصراللہ کو عہدے سے ہٹا دیا گیا۔
تفصیلات کے مطابق پنجاب میں وزیراعلی کے انتخاب سے قبل بڑی تبدیلی کردی گئی، ذرائع کا کہنا ہے کہ وفاقی حکومت کی ہدایت پر ایڈیشنل چیف سیکریٹری برائے داخلہ ظفر نصراللہ کو عہدے سے ہٹا دیا گیا۔
ذرائع نے کہا کہ ظفر نصراللہ وزیراعلی اور دیگر افراد کے کہنے پر مبینہ طورپر انتظامی امور میں غیر ضروری مداخلت کررہے تھے۔
ذرائع کے مطابق ظفر نصراللہ پر مبینہ طور پر کرپشن کے الزامات بھی عائد ہوئے۔
ایڈیشنل چیف سیکریٹری برائے داخلہ ظفر نصراللہ کی تبدیلی کا نوٹیفکیشن بھی جاری کردیا گیا ہے۔
خیال رہے پنجاب کے نئے وزیر اعلیٰ کے انتخاب کے لیے ووٹنگ کل پنجاب اسمبلی میں ہوگی ، متحدہ اپوزیشن کی جانب سے حمزہ شہباز اور تحریک انصاف اور ق لیگ کے کی جانب سے چودھری پرویز الٰہی مد مقابل ہوں گے۔
حکومتی اتحاد نے 189 ارکان اسمبلی کی حمایت حاصل ہونے کا دعویٰ کردیا ہے۔
