کراچی:سندھ حکومت نے ملیر ڈیولپمنٹ اتھارٹی (ایم ڈی اے) کے ایڈیشنل ڈی جی کو عہدے سے ہٹا دیا۔
تفصیلات کے مطابق سندھ حکومت نے ایڈیشنل ڈی جی، ایم ڈی اے سہیل خان کو عہدے سے برطرف کر دیا، سہیل خان نے سیلاب متاثرین کی آڑ میں سرکاری زمین پر قبضہ کیے جانے کی نشان دہی کی تھی۔
ذرائع کا کہنا ہے کہ سیلاب متاثرین کو الاٹ کی گئی جگہ کی بجائے سرکاری اراضی پر آباد کیا جا رہا تھا، اس سلسلے میں ایڈیشنل ڈی جی ایم ڈی اے نے متعدد بار سندھ حکومت کو خط بھیجا۔
- Advertisement -
خط میں سہیل خان نے لکھا کہ لوگوں کو الاٹ کی گئی زمین پر لینڈ مافیا کی جانب سے سیلاب متاثرین کو آباد کیا جا رہا ہے۔ تاہم، متعدد بار خط لکھنے کے باوجود بھی سندھ حکومت کی جانب سے نوٹس نہیں لیا گیا۔
اور اب سندھ حکومت نے ایڈیشنل ڈائریکٹر جنرل سہیل خان ہی کو ان کے عہدے سے فارغ کر دیا ہے۔
