حیدر آباد : ایڈیشنل آئی جی کے بیٹوں نے درخواست پر دسختط کرنے سے انکار پر سرکٹ ہاؤس کے ملازمین کو مبینہ تشدد کا نشانہ بنا ڈالا۔
تفصیلات کے مطابق تشدد کی افسوس ناک واردات حیدرآباد میں پیش آئی جہاں ایڈیشنل انسپکٹر جنرل کے بیٹوں کی جانب سے سرکٹ ہاؤس کے ملازمین پر مبینہ طور پر تشدد کیا گیا۔
ذرائع کا کہنا ہے کہ پروونشل بلڈنگ ملازمین کو مبینہ طور پر موبائل میں یرغمال بنائے رکھا۔
ملازمین نے الزام عائد کیا ہے کہ ڈیوٹی کرنے کے باوجود زبردستی ڈیوٹی کرنے کا کہا گیا اور درخواست پر سائن کرنے سے منع کیا تو مجھ اسلحہ تان لیا۔
پروونشل بلڈنگ یونین کی جانب سے جاری کردہ اعلامیے میں آج ہڑتال کا اعلان کیا گیا ہے، دوسری جانب ایڈیشنل آئی جی اور ان کے ترجمان مؤقف دینے سے قاصر ہیں۔
