نیویارک: نیویارک میں پاکستانی نژاد پولیس افسر عدید فیاض کی پہلی برسی منائی گئی، گزشتہ سال ڈکیتی کی واردات کے دوران عدید فیاض کو قتل کر دیا گیا تھا۔
تفصیلات کے مطابق گزشتہ سال نیویارک میں ڈکیتی کی وردارت کے دوران جاں بحق ہونے والے نیویارک پولیس کے نوجوان پاکستانی نژاد پولیس افسر عدید فیاض کی برسی کا اہتمام ہوا، جس کا انتظام نیویارک پولیس ڈپارٹمنٹ اور نیویارک پولیس میں موجود پاکستانی پولیس افسران پر مشتمل تنظیم پاکستانی لا انفورسمنٹ سوسائٹی نے کیا۔
اس خصوصی تقریب میں نیویارک پولیس کے اعلیٰ افسران سمیت درجنوں افسران اور کمیونٹی سے بڑی تعداد میں لوگوں نے شرکت کی، جب کہ پاکستانی قونصل جنرل عامر خان بھی خصوصی طور پر شریک ہوئے۔
Today marks the 1st anniversary of Officer Adeed Fayaz’s passing. He was mortally wounded during an attempted robbery while off-duty. As we continue to mourn this fallen hero, we remember the legacy he left behind and his commitment to keeping NYers safe. pic.twitter.com/KhOSH6flPt
— NYPD NEWS (@NYPDnews) February 7, 2024
تقریب کا اغاز تلاوت کلام پاک سے ہوا، اس کے بعد پولیس کے دستے نے روایتی انداز میں سلامی دی، پروگرام میں مرحوم کے معصوم بچے، اہلیہ، والد اور والدہ اور بہن بھائی نے بھی شرکت کی، مرحوم کے والد نے پالس اور نیویارک پولیس کا شکریہ ادا کیا، جنھوں نے ہر مرحلے پر اُن کا ساتھ دیا۔
One year ago, Police Officer Adeed Fayaz succumbed to his injuries after being shot just days earlier during a robbery in Brooklyn.
Today, we gathered to honor Adeed as we #neverforget his service to this city. Adeed's brothers and sisters in blue will keep his legacy alive… pic.twitter.com/rIrse4VKft
— Edward A. Caban (@NYPDPC) February 7, 2024
مرحوم کی اہلیہ نے بھی اپنے مصوم بچوں کے ہمراہ خطاب کرتے ہوئے پولیس ڈپارٹمنٹ اور پالس کے کردار کی تعریف کی، جن کی کوششوں اور تعاون سے عدید کو آن ڈیوٹی شہید ہونے کا درجہ ملا، قونصل جنرل عامر خان کا کہنا تھا کہ انھیں خوشی ہے کہ ہمارے پاکستانی افسران بہترین طریقے سے اپنی ذمہ داری ادا کرتے ہیں۔
عالم دین مقصود احمد قادری نے عدید فیاض کو شہید قرار دیتے ہوئے کہا کہ اپنی اور دوسروں کی جان و مال کی حفاظت کرتے ہوئے جان دینے والا شہید ہوتا ہے، پولیس بینفیشری سوسائٹی کے نمائندے سمیت مختلف پولیس افسران نے بھی خطاب میں عدید فیاض کو خراج تحسین پیش کیا۔
عدید فیاض کو گزشتہ سال ایک شخص نے ڈکیتی کے دوران فائرنگ کر کے شہید کر دیا تھا، پولیس ڈپارٹمنٹ اور پاکستانی لا انفورسمنٹ سوسائٹی کی کوششوں سے مرحوم کو آن ڈیوٹی جاں بحق ہونے کا اسٹیس دلوایا گیا، جس کے بعد مرحوم کے اہل خانہ کو مکان اور دیگر مراعات ملے سکیں گے۔
کمیونٹی نے NYPD کے اس اقدام کو سراہتے ہوئے کہا کہ اس طرح کے اقدامات نوجوانوں میں پولیس فورس جوائن کرنے کی خواہش کو بڑھاتے ہیں، جہان ان کو ایک خاندان کی طرح سمجھا جائے۔
