تربت : ضلع کیچ کے شہر تربت سے خاتون خود کش بمبار کو گرفتار کرلیا گیا ، عدیلہ بلوچ تربت ٹیچنگ اسپتال میں نرس کے طور پر کام کررہی تھی۔
تفصیلات کے مطابق بلوچستان میں قانون نافذ کرنے والے اداروں نے بڑی کامیابی سے ضلع کیچ کےشہرتربت سے خاتون خود کش بمبار کو گرفتار کرلیا۔
عدیلہ بلوچ تربت ٹیچنگ اسپتال میں نرس کےطورپرکام کررہی تھی ، ان کی گرفتاری قانون نافذ کرنے والے اداروں کی فعال انٹیلی جنس کا ثبوت ہے۔
ترجمان بلوچستان حکومت شاہدرند نے بتایا کہ بلوچستان میں گزشتہ کچھ عرصےمیں تخریب کاری میں اضافہ ہوا، کارروائیوں میں خواتین خودکش بمبارکابھی استعمال کیاگیا۔
ترجمان کا کہنا تھا کہ 16تاریخ کوایک شخص نےرابطہ کیاکہ ان کی بیٹی مسنگ ہے، قانون نافذ کرنے والے اداروں نے فیملی کیساتھ انگیج کیا، پتہ چلاکہ تربت ڈسٹرکٹ ہیڈکوارٹراسپتال کی نرس مسنگ ہے۔
شاہدرند نے کہا کہ قانون نافذکرنےوالےاداروں کیساتھ فیملی نےبھی تعاون کیا، ہم چاہیں گےعدیلہ کیسےمسنگ ہوئی کہانی آپ کے سامنے رکھیں۔