الیکشن کمیشن نے مسلم لیگ ن کے منحرف رکن قومی اسمبلی عادل بازئی کو طلب کرلیا۔
اے آر وائی نیوز کے مطابق الیکشن کمیشن نے مسلم لیگ ن کے منحرف ایم این اے عادل بازئی کونوٹس جاری کرکے 23 اکتوبر کو طلب کرلیا۔
اسپیکر قومی اسمبلی نے ایم این اے عادل بازئی کو ڈی سیٹ کرنے کا ریفرنس الیکشن کمیشن کو بھیجا تھا۔
قومی اسمبلی سیکرٹریٹ سے سیکرٹری الیکشن کمیشن کو بھیجے گئے مراسلے میں کہا گیا تھا این اے دوسو باسٹھ سےعادل بازئی نے مسلم لیگ ن کی پارٹی پالیسی سے انحراف کیا۔
آرٹیکل تریسٹھ اے کےمطابق این اے دوسوباسٹھ کی نشست خالی قراردی جائے، مسلم لیگ ن کے قائد نوازشریف نے ریفرنس اسپیکرقومی اسمبلی کو بھیجا تھا۔
مسلم لیگ ن کے صدر نواز شریف نے عادل بازئی کے خلاف ریفرنس دائر کر کے اسپیکر کو بھجوایا، عادل بازئی پارٹی پالیسی کی خلاف ورزی کے مرتکب ہوئے۔ خط میں آرٹیکل 63اے کا حوالہ دیتے ہوئے ڈی فیکشن کلاز کے تحت کارروائی کرنے کا مطالبہ کیا گیا ہے۔
