برمنگھم :پاکستان نژاد برطانوی اداکار عادل رے کو او بی ای ایوارڈ سے نوازا گیا، پرنس ولیم نے عادل رے کو ایوارڈ دیا ۔
اگر آپ بی بی سی کے پرستار ہے تو آپ نے مزاحیہ کامیڈی سیریز سٹیزن خان دیکھا ہوگا، پاکستانی نژاد برطانوی اداکار، کامیڈین عادل رے جو کامیڈی شو سٹیزن خان کے تخلیق کار ہے اور اس میں اداکاری بھی کر رہے ہیں ، شو اپنی پانچویں سیزن میں داخل ہورہا ہے۔
بکنگھم پیلس میں ایک تقریب میں عادل رے کو براڈ کاسٹنگ میں اعلیٰ خدمات پر او بی ای ایوارڈ سے نوازا گیا، عادل رے نے پرنس ولیم سے ایوارڈ وصول کیا۔
پاکستانی نژاد برطانوی اداکار عادل رے جو بی بی سی کے مزاحیہ شو سٹیزن خان کے وجہ سے بہت زیادہ مشہور ہے۔
رے کا کہنا ہے کہ انھوں نے اپنے کیریئر کا آغاز ریڈیو پر موسیقی بجا کرکیا، جس کے بعد وہ صحافت میں آگئے اور دستاویزی فلمیں بنائی اور اب ٹیلی ویژن پر ایک مزاحیہ کردار کرکے اپنے خیالات کو شیئر کرتا ہوں۔
انکا مزید کہنا تھا ک میرے لئے اعزاز کی بات ہے کہ آج مجھے یہ ایواڈ ملا، ایوارڈ حاصل کر کے نہایت خوش ہوں، اس سے کام کرنے کا مزید حوصلہ اور جذبہ پیدا ہوگا۔
خیال رہے کہ چند برس قبل ’’سٹیزن خان‘‘ مزاحیہ ڈرامہ پیش کرنے کے بعد شہرت کی بلندیوں پر پہنچ گئے، ڈرامے میں پاکستانی ثقافت کو اجاگر کیا۔