بالی ووڈ کے معروف اداکار آدتیہ پنچولی نے اپنی موت کے بعد اپنا جسم طبی تحقیق کے لیے عطیہ کرنے کا اعلان کیا ہے۔
بالی ووڈ کے معروف اداکار آدتیہ پنچولی نے کہا کہ وہ لائن گولڈ ایوارڈز میں شرکت کریں گے اور وہاں باضابطہ طور پر مرنے کے بعد اپنا جسم عطیہ کرنے کا اعلان کریں گے۔
اداکار نے کہا کہ وہ اپنی موت کے بعد اپنا جسم طبی تحقیق کے لیے عطیہ کریں گے، جس کا مقصد صحت کی دیکھ بھال کی تحقیق اور تعلیم حاصل کرنے والوں کو مدد مل سکے۔
آدتیہ پنچولی نے اپنی اس نیک نیتی کی وضاحت کرتے ہوئے کہا ہم اداکار اکثر پردے پر ہیرو کا کردار ادا کرتے ہیں، لیکن حقیقی ہیرو وہ ہوتا ہے جو معاشرے کو بہتر کرتا ہے۔
انہوں نے کہا کہ اپنے جسم کا عطیہ کرکے میں دوسروں کو اس عمل کے لیے ترغیب دینا چاہتا ہوں کیوں اس اقدام سے حقیقی تبدیلی لائی جا سکتی ہے، اور میں موت کے بعد بھی دنیا کے لیے کچھ کرنے کی خواہش رکھتا ہوں۔
