The news is by your side.

Advertisement

پاک بحریہ نے3سال میں مینگروز کے40لاکھ پودے لگائے، ایڈمرل ظفر محمود عباسی

کراچی : سربراہ پاک بحریہ ایڈمرل ظفرمحمود عباسی کا کہنا ہے کہ سماجی اقتصادی ترقی اور پائیدار ایکو سسٹم کیلئے جنگلات کا اُگاﺅ نہایت ہی اہم ہے۔

یہ بات انہوں نے شجرکاری مہم دو ہزارانیس کے سلسلے میں جاری ایک پیغام میں کہی، انہوں نے کہا کہ پاک بحریہ نے تین سال کے دوران ساحلی پٹی میں مینگروز کے چالیس لاکھ پودے اُگائے اور ملک بھر میں پاک بحریہ کی یونٹس نے سات لاکھ درخت لگائے۔

سربراہ پاک بحریہ نے کہا کہ پاکستان میں شجر کاری کی مہمات کے مثبت نتائج برآمد ہوئے ہیں۔ ایڈمرل ظفر محمود عباسی کا کہنا تھا کہ مہم کے دوران پاک بحریہ کے تمام یونٹس ہزاروں کی تعداد میں پودے لگائیں گے۔

مزید پڑھیں :’’ ایک پودا پاکستان کے لیے‘‘  وزیر اعظم کل شجر کاری مہم کا آغاز کریں گے

ایڈمرل ظفرمحمود عباسی نے شہریوں سے پاک بحریہ کا ساتھ دینے کی اپیل کرتے ہوئے کہا کہ صاف ستھرے اور بہتر ماحول کو ممکن بنانے کیلئے کم ازکم ہرفرد ایک درخت لگانے کا عہد کرے۔

Comments

comments

یہ بھی پڑھیں