The news is by your side.

Advertisement

میٹرک کے امتحانات، تمام اسکولوں کو ایڈ مٹ کارڈ جاری

کراچی : ناظم امتحانات کا کہنا ہے کہ میٹرک کےسالانہ امتحانات کے لئے تمام اسکولوں کے نمائندوں کوایڈ مٹ کارڈ جاری کردیئے گئے ہیں ، امتحانی مٹیریل کی تقسیم کاکام کل سےشروع کیا جائے گا۔

تفصیلات کے مطابق ناظم امتحانات کا کہنا ہے کہ میٹرک کےسالانہ امتحانات کی تیاریاں مکمل کرلی گئیں ہیں اور تمام اسکولوں کےنمائندوں کوایڈ مٹ کارڈجاری کردیئے ہیں ، ایڈمٹ کارڈ سے محروم طلبابورڈآفس سےرابطہ کرسکتےہیں۔

ناظم امتحانات کا کہنا تھا کہ ساڑھے8 ہزار طلبانےآن لائن فارم جمع کرائےتھے، امتحانی مٹیریل کی تقسیم کاکام کل سےشروع کیا جائے گا جبکہ 375 سے زائد امتحانی مراکز اور ویجیلنس ٹیمیں بھی تشکیل دے دی گئیں ہیں۔

یاد رہے دو روز قبل وزیرتعلیم سندھ کا کہنا تھا کہ نویں اور دسویں جماعت کے امتحانات16مارچ سے منعقد ہوں گے اور تمام سرکاری اورنجی تعلیمی ادارے 9مارچ سے کھل جائیں گے البتہ تدرییسی عمل اور بچوں کی تعطیل 13مارچ تک ہی ہوں گی۔

مزید پڑھیں : سندھ بھر میں میٹرک کے امتحانات ، بڑا مطالبہ سامنے آگیا

سعید غنی نے ہدایت کی تھی کہ تمام اسکول بورڈ آفس سےایڈمٹ کارڈ وصول کرکے فوری طور پر تقسیم کاآغاز کریں۔

اس سے قبل سیکریٹری یونیورسٹیزاینڈبورڈز نےمیٹرک کےسالانہ امتحانات کی تاریخ میں توسیع سے انکار کرتے ہوئے کہا تھا کہ پرچے پہلے سے دیئے گئے شیڈول کے مطابق ہی ہوں گے اور میٹرک بورڈ کو ہدایت کی ہےکہ ایڈمٹ کارڈز جاری کردیں۔

خیال رہے شیڈول کے مطابق میٹرک کے امتحانات 16 مارچ سے شروع ہونے ہیں اور سندھ حکومت نے تعلیمی اداروں کو 13 مارچ تک چھٹی دی ہے۔

fb-share-icon0
Tweet 20

Comments

comments

یہ بھی پڑھیں