معروف میزبان و پوڈ کاسٹر عدنان فیصل نے دعویٰ کیا ہے کہ ہانیہ عامر نے پوڈکاسٹ کیلئے 20 لاکھ روپے کا مطالبہ کیا تھا۔
ہانیہ عامر پاکستان شوبز انڈسٹری کی سپر اسٹار ہیں، اداکارہ کا نہ صرف پاکستان بلکہ ہندوستان میں بھی ایک بڑا نام ہے، انہوں نے کئی سپر ہٹ ڈراموں میں کام کیا تاہم ان کا حال ہی میں ختم ہونے والا ڈرامہ ’ کبھی میں کبھی تم‘ سے مزید شہرت حاصل کی۔
حال ہی میں پاکستان کے معروف میزبان و پوڈ کاسٹر عدنان فیصل نے متھیرا کے شو میں بطور مہمان شرکت کی جہاں انہوں نے ہانیہ عامر کی جانب سے انٹرویو کے لیے وصول کیے جانے والے معاوضے سے متعلق انکشاف کیا۔
View this post on Instagram
عدنان فیصل نے دعویٰ کیا کہ میں نے آج تک کم از کم 400 سے 500 پوڈ کاسٹ ریکارڈ کی ہیں، لیکن میں نے آج تک کسی فنکار کو کوئی معاوضہ نہیں دیا۔
"لیکن حال ہی میں، میں نے ہانیہ عامر کو پوڈکاسٹ میں انٹرویو کے لیے دعوت دی تھی، تو ہانیہ عامر کی طرف سے انٹرویو کے لیے 2 ملین روپے کا مطالبہ کیا گیا تھا”
View this post on Instagram
عدنان فیصل نے کہا کہ یہ معاوضہ بہت زیادہ نہیں ہے کیوں کہ ہانیہ ایک اسٹار ہے لیکن ہم نے سوچا اگر ہم نے باقی لوگوں کو پیسے نہیں دیئے تو ہم ہانیہ کو بھی یہ رقم ادا نہیں کرسکتے، ہماری انڈسٹری میں سب فنکار برابر ہیں، کوئی چھوٹا بڑا نہیں ہے۔
