پاکستانی ڈرامہ انڈسٹری کے معروف اداکار عدنان صدیقی نے رکشہ ڈرائیور کو سلیبرٹی قرار دے دیا۔
عدنان صدیقی نے سماجی رابطے کی ویب سائٹ ٹویٹر اور انسٹاگرام پر ویڈیوز شیئر کیں، جن میں وہ ایک رکشے میں سوار تھے۔
اداکار نے بتایا کہ وہ آن لائن ٹیکسی سروس کے ذریعے اپنے گھر سے سول اسپتال پہنچے، واپسی پر جب گاڑی نہیں ملی تو انہوں نے رکشے میں جانے کا فیصلہ کیا۔
عدنان صدیقی نے رکشے میں سواری کی ویڈیو شیئر کی اور بتایا کہ ’سمیر بھائی‘ یہ رکشہ چلا رہے ہیں۔
عدنان صدیقی کے منہ پر ماسک ہونے کے باوجود رکشہ ڈرائیور انہیں پہچان گیا اور بتایا کہ وہ انسٹاگرام پر فالو بھی کرتا ہے۔ اداکار نے اپنے انسٹاگرام اکاؤنٹ کا پوچھا تو ڈرائیور نے بالکل صحیح بتایا۔
“Patta patta boota boota naam hamara jaane hai
jaane na jaane @jack @verified hi na jaane bhai Sameer tu jaane hai”😈😊#adnanwho pic.twitter.com/KoQqfaquk5— Adnan Siddiqui (@adnanactor) October 15, 2021
شاہراہ فیصل پر عدنان صدیقی نے رکشے سے ویڈیو بنائی جس میں انہوں نے ٹریفک دکھایا اور بتایا کہ سمیر بھائی کسی قانون کو خاطر میں نہیں رے اور چیتے کی مانند دائیں سے بائیں اور بائیں سے دائیں جارہے ہیں۔