پاکستان میں مقبول رومانیہ کے پاپ بینڈ ایکسنٹ کے گلوکار ایڈرین سینا نے پاکستانی کرتا پہن کر اپنے مداحوں کے دل جیت لیے، وہ اس سے قبل پاکستانی اداکارہ عائشہ عمر کے ساتھ کام کرنے کی خواہش کا بھی اظہار کرچکے ہیں۔
بین الاقوامی میڈیا کے مطابق رومانیہ کے الیکٹرو پاپ بینڈ ایکسنٹ کے گلوکار ایڈرین سینا نے یورپ میں منعقد ہونے والے یوٹیوب میوزک فیسٹیول میں پاکستانی کرتا پہن کر مداحوں کو حیران کردیا۔
ایکسنٹ بینڈ کے آفیشل فیس بک اکاؤنٹ پر جاری پوسٹ میں گلوکار نے تصدیق کی کہ ان کا سیاہ کرتا پاکستانی ہے۔
Setting new trends with my beautiful Pakistani Kurta 🇵🇰 on a YouTube Music Event in Europe
#Akcent #AkcentlivesoonPosted by Akcent on Sunday, February 7, 2021
اپنی پوسٹ میں گلوکار نے لکھا کہ یورپ میں منعقدہ یوٹیوب میوزک ایونٹ میں انہوں نے پاکستانی کرتا پہن کر نیا ٹرینڈ سیٹ کیا ہے۔
گلوکار کی اس پوسٹ پر دنیا بھر میں پھیلے پاکستانی مداحوں نے خوشی کا اظہار کیا اور مختلف تبصرے کیے۔
اس سے قبل ایک انسٹاگرام سیشن میں ایک سوال کے جواب میں گلوکار نے کہا تھا کہ وہ اداکارہ عائشہ عمر کے ساتھ کام کرنے کے خواہشمند ہیں۔