کراچی : رینجرز نے گمشدہ افرا د سے متعلق پولیس کے اشہارات کو امن کیخلاف سازش قرار دے دیا، رینجرز ترجمان کا کہنا ہے کہ اشتہار کا مقصد کراچی آپریشن کو نقصان پہنچانا ہے.
پولیس کی جانب سے گمشدہ افراد سے متعلق شائع کیے جانے والے اشتہارات کا معاملہ شدت اختیار کرگیا ہے، رینجرز ترجمان نے سخت ردعمل کا اظہارکرتے ہوئے اشتہار کے مندرجات کوجھوٹ پر مبنی قراردیا ہے.
انکا کہنا تھا کہ حکمت عملی کے تحت رینجرز کی کارکردگی متاثر کرنے کی کوشش کی گئی ہے، رینجرز نے معاملے کی تہہ تک پہنچنے کیلئے اپنی سطح پرتحقیقات کا آغاز کردیا ہے۔
رینجرزترجمان نے واضح کیا کہ جھوٹ پر مبنی پروپیگنڈے کے خلاف قانونی چارہ جوئی کا حق محفوظ رکھتے ہیں.
یاد رہے کہ پولیس نے مقامی اخبار میں اورنگی ٹاؤن سے لاپتہ ہونے والے چھ افراد سے متلعق اشتہار دیا تھا، جس کے مطابق ان افراد کو ‘نامعلوم رینجرز’اہلکار لے گئے ہیں۔
وزیرداخلہ سندھ نے واقعے کے بعدڈی ایس پی اورنگی کومعطل کرکے تحقیقات کا حکم دے دیا ہے۔
0
20
