اسلام آباد : وفاقی حکومت نے اٹارنی جنرل آفس میں تعیناتی کومذاق بنا دیا، صدر کی منظوری کے 14 روز گزرنے کے باوجود وزارت قانون نے ایڈووکیٹ منصور اعوان کی تقریری کا نوٹیفکیشن جاری نہ کیا۔
تفصیلات کے مطابق ایڈووکیٹ منصور اعوان کے بطور اٹارنی جنرل کے نوٹی فکیشن جاری کرنے کا معاملہ تاخیر کا شکار ہے۔
وفاقی حکومت نے اٹارنی جنرل آفس میں تعیناتی کومذاق بنا دیا، 23دسمبر کو صدر نے ایڈووکیٹ منصور اعوان کی بطور اٹارنی جنرل تعیناتی کی منظوری دی
صدر کی منظوری کے 14 روز گزرنے کے باوجود وزارت قانون نے نوٹیفکیشن جاری نہ کیا ، صدر نے اشتراوصاف کے استعفے کے بعد منصوراعوان کی تعیناتی کی منظوری دی تھی۔
واضح رہے کہ اشتر اوصاف نے 12 اکتوبر کو اٹارنی جنرل کے عہدے سے استعفیٰ دیا تھا اور مستعفی ہونے کی وجہ اپنی خرابی صحت کو قرار دیا تھا۔
