ایرو ناٹیکل کمپلیکس دفاعی پیداوار میں کلیدی کردار کا حامل ہے، جنرل زبیر محمود حیات -
The news is by your side.

Advertisement

ایرو ناٹیکل کمپلیکس دفاعی پیداوار میں کلیدی کردار کا حامل ہے، جنرل زبیر محمود حیات

راولپنڈی : چیئرمین جوائنٹ چیفس آف اسٹاف کمیٹی جنرل زبیر محمود حیات نے پاکستان ایرو ناٹیکل کمپلیکس کامرہ کا دورہ کیا، اس موقع پر انہیں کارکردگی سے متعلق تفصیلات سے آگاہ کیا گیا ۔

تفصیلات کے مطابق جنرل زبیر محمود حیات کو پاکستان ایرو ناٹیکل کمپلیکس کامرہ (پی اے سی) کی فیکٹریز میں جاری منصوبہ جات پر مکمل بریفنگ دی گئی۔

جنرل زبیر نے کام کی رفتار اور اس کی کارکردگی پر اطمینان کا اظہار کیا،اس موقع پر گفتگو کرتے ہوئے جنرل زبیر محمود حیات نے کہا کہ پی اے سی دفاعی پیداوار میں ایک کلیدی کردار کا حامل ادارہ ہے،انہوں نے پی اے سی کی خود انحصاری کی پالیسی اور تمام منصوبوں میں عالمی معیار کے حصول کو سراہا۔

چیئرمین جوائنٹ چیفس آف اسٹاف کمیٹی نے پی اے سی کامرہ کے مستقبل کے منصوبہ جات میں بھرپور اعانت کا اعادہ کیا، جنرل زبیر محمود حیات کی پی اے سی آمد کے موقع پر ائیرمارشل احمر شہزاد لغاری نے ان کا استقبال کیا۔

Comments

comments

یہ بھی پڑھیں