شوبز انڈسٹری کے معروف اداکار عفان وحید نے انکشاف کیا ہے کہ لندن میں مداحوں نے رنبیر کپور سمجھ کر ان کے ساتھ تصاویر بنوائیں۔
ڈرامہ سیریل ’دو بول‘ کے اداکار عفان وحید نے حال ہی میں نجی ٹی وی کے شو میں شرکت کی جہاں مختلف سیگمنٹ میں گیم کے دوران سوالات پوچھے گئے۔
میزبان نے عفان وحید کو زندگی سے متعلق سچ بتانے کو کہا جس کے جواب میں انہوں نے کہا کہ ایک قصہ سنا سکتا ہوں جب میں لندن میں پروجیکٹ کے سلسلے میں گیا تھا۔
انہوں نے کہا کہ لندن میں ریسٹورنٹ سے باہر نکلا جہاں بہت سارے لوگ تھے ان میں سے چند بھارتی میرے پاس آئے اور کہا کہ آپ بالی ووڈ اداکار رنبیر کپور ہیں جس پر میں نے بھی ہاں میں ہاں ملا دی اور مداح مجھے رنبیر کپور سمجھ کر تصاویر بنوانے لگے۔
عفان وحید نے سلیبرٹی کا نام نہیں لیا اور کہا کہ لوگ ٹرول کریں گے اور کہیں گے کہ کہاں وہ اور کہاں میں اس لیے نام نہیں لوں گا۔
پروگرام میں موجود آغا علی نے بتایا کہ وہ رنبیر کپور تھے جس کا نام یہ نہیں بتانا چاہ رہے ہیں۔
