تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

عفان وحید نے زندگی کی ’دردناک‘ کہانی سے پردہ اُٹھا دیا

کراچی: پاکستانی ڈرامہ انڈسٹری کے معروف اداکار عفان وحید نے زندگی کی دردناک کہانی سے پردہ اٹھادیا۔

تفصیلات کے مطابق اے آر وائی ڈیجیٹل کے ڈراموں ’دوبول‘ اور ’غلطی‘ میں مرکزی کردار ادا کرنے والے اداکار عفان وحید نے زندگی میں گزرے مشکل لمحات شیئر کردئیے۔

انہوں نے کہا کہ میری زندگی میں ایسا وقت بھی گزرا ہے جب میں ڈپریشن میں چلا گیا تھا تاہم مجھے اس پر بات کرتے ہوئے شرمندگی نہیں ہے میں اعتماد کے ساتھ اس پر بات کرتا ہوں۔

عفان وحید کے مطابق جب وہ ڈپریشن کا شکار تھے تو انہوں نے خود کو ایک تاریک کمرے میں بند کرلیا تھا، اور سوچتے تھے کہ تاریک کمرے میں رہنا ٹھیک ہے کیونکہ اس سے آپ کو زیادہ لڑائی نہیں کرنی ہوگی۔

اداکار نے بتایا کہ 2-3 دن ڈپریشن کے دوران تنہائی میں رہنے کے بعد زندگی میں آگے بڑھیں۔ ایسے لوگ ہیں جو دکھی حالت میں ہیں اور ہمیں شکر گزار ہونا پڑے گا۔ مجھے یقین ہے کہ شکرگزاری میں بہت زیادہ تبدیلی آتی ہے۔

دو بول میں مرکزی کردار ادا کرنے والے عفان وحید نے کہا کہ یہاں ایک طبی ذہنی دباؤ ہے جس میں کیمیائی عدم توازن ہوا ہے اس صورتحال میں آپ کو اپنے ڈاکٹر سے رجوع کرنا پڑتا ہے اور معاشرے کے فیصلے کی پرواہ نہیں کرتے ہیں، چاہے کچھ بھی ہو، آپ کو اپنے ڈاکٹر سے ملنا ہے۔

انہوں‌ نے کہا کہ آپ کا دماغ زندگی چلاتا ہے تو آپ اس کے لیے ڈاکٹر کے پاس کیوں نہیں جاسکتے ہیں، اس میں کوئی شرم نہیں ہے، لوگوں کو جو کہنا وہ کہنے دیں یہ آپ کی زندگی ہے اور آپ کو اسے زندہ کرنا پڑے گا۔

عفان وحید نے مداحوں کو مشورہ دیتے ہوئے کہا کہ اگر کوئی ڈپریشن کا شکار ہورہا ہے تو وہ ڈاکٹرز سے لازمی رجوع کریں، میں لازمی طور پر اس پر یقین رکھتا ہوں کہ ڈاکٹر کے پاس جانے میں کوئی عار محسوس نہیں کرنی چاہئے۔

Comments

- Advertisement -