راولپنڈی : قانون نافذ کرنے والے اداروں نے افغان کمانڈر سمیت غیر قانونی طور پر رہائش پذیر 17افغان شہریوں کو گرفتار کرلیا، تمام افراد کو ڈی پورٹ کیا جائے گا۔

تفصیلات کے مطابق راولپنڈی میں تھانہ مورگاہ کے علاقے میں قانون نافذ کرنے والے اداروں نے کارروائی کرتے ہوئے افغان کمانڈر سمیت غیر قانونی طور پر رہائش پذیر 17افغان شہریوں کو گرفتار کرلیا۔

پولیس نے بتایا کہ افغان کمانڈرسمیت 17 غیرقانونی مقیم افغان شہریوں کوحاجی کیمپ منتقل کر دیا ہے ، گرفتار افرادکے پاس افغان رہائشی دستاویزات یاسفری دستاویزات نہیں تھی۔

حکام نے کہا کہ گرفتارافراد میں افغانستان کےسابق صدر اشرف غنی دور کااہم کمانڈر شامل ہیں تاہم گرفتار تمام افراد کو ڈی پورٹ کیا جائے گا۔