کابل: افغانستان کرکٹ ٹیم کے لیگ اسپنر راشد خان کی والدہ رضائے الٰہی سے انتقال کرگئیں۔
تفصیلات کے مطابق افغانستان ٹیم کے مایہ ناز لیگ اسپنر راشد خان نے سماجی رابطے کی ویب سائٹ ٹویٹر پر والدہ کے انتقال کی تصدیق کردی۔
لیگ اسپنر راشد خان کا کہنا تھا کہ آپ میرے لیے سب کچھ تھیں، میری ماں میرا آپ کے سوا کوئی گھر نہیں تھا، یقین نہیں کرسکتا کہ آپ اب میرے ساتھ نہیں رہیں گی، ہم آپ سے ہمیشہ کے لیے محروم ہوگئے۔
إِنَّا لِلَّهِ وَإِنَّا إِلَيْهِ رَاجِعُوْنَ
You were my home my mother I had no home but you . i can’t believe you are no more with me you will missed forever . Rest In Peace #MOTHER 😢😢— Rashid Khan (@rashidkhan_19) June 18, 2020
راشد خان کی والدہ کے انتقال پر ساتھی کھلاڑیوں مداحوں نے افسوس کا اظہار کرتے ہوئے ان کی والدہ کے درجات کی بلندی کے لیے دعا کی۔
قومی فاسٹ بولر محمد عامر نے لکھا کہ ’اللہ صبر دے آپ کو بھائی، اور آنٹی کو جنت میں اعلیٰ مقام دے آمین۔‘
Allah sabar de ap ko bro or aunty ko janat me jagah de ameen🙏
— Mohammad Amir (@iamamirofficial) June 18, 2020
واضح رہے کہ 12 جون کو راشد خان نے ٹویٹر کے ذریعے اپنی والدہ کی صحت یابی کے لیے دعاؤں کی درخواست کرتے ہوئے کہا تھا اللہ میری والدہ کو صحت یاب فرما۔
Ya Allah ! Give my mother a good health. Please remember her in your prayers 🙏🙏
— Rashid Khan (@rashidkhan_19) June 12, 2020
یاد رہے کہ گزشتہ سال جنوری میں افغان لیگ اسپنر راشد خان کے والد انتقال کرگئے تھے، راشد خان کا کہنا تھا کہ وہ اپنی زندگی میں اہم شخص سے محروم ہوگئے۔
