بدھ, مئی 14, 2025
اشتہار

افغان فورسز کی بلااشتعال فائرنگ، 6 جوان 5 شہری زخمی

اشتہار

حیرت انگیز

راولپنڈی: افغانستان کی سیکیورٹی فورسز نے پاک افغان سرحدی علاقے پر بلااشتعال فائرنگ کی جس کے نتیجے میں خاتون سمیت پانچ شہری اور 6 جوان زخمی ہوئے۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ اعلامیے کے مطابق پاک افغان سرحد پر افغانستان کی سیکیورٹی فورسز نے بلااشتعال فائرنگ کی جس کا پاک فوج نے بھرپور انداز سے جواب دیا۔

آئی ایس پی آر کے مطابق افغان فورسز نےکنڑ کے سرحدی علاقے سے مشین گنز سےفائرنگ اور مارٹر گولوں کا استعمال کیا، پاکستان اورافغانستان کی سیکیورٹی فورسزمیں فائرنگ کا تبادلہ ہوا۔

پاک فوج کے ترجمان کے مطابق افغان فورسز کی فائرنگ سے چترال کے سرحدی علاقے میں تعینات 6 فوجی جوان زخمی ہوئے جبکہ خاتون سمیت پانچ شہری بھی زخمی ہوئے جنہیں اسپتال منتقل کردیا گیا۔

آئی ایس پی آر کے مطابق پاک فوج نے روایتی اور پیشہ وارانہ کارکردگی کا مظاہرہ کرتے ہوئے بھرپور جوابی کارروائی کی جس کے نتیجے میں افغان سیکیورٹی فورسز کی بارڈر پوسٹوں کو نقصان پہنچا۔ آخری اطلاعات کے مطابق دونوں  ممالک کےفوجی حکام کےدرمیان رابطےکے بعد فائرنگ کا سلسلہ بند ہوگیا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں