افغان طالبان کے حکومتی وفد نے خطے سے باہر پہلی بار جاپان کے دورہ کیا۔
غیر ملکی ذرائع ابلاغ کے مطابق افغان وفد ہفتے کے روز کابل سے روانہ ہوا۔ وفد میں اعلیٰ تعلیم، خارجہ امور اور معیشت کی وزارتوں کے حکام شامل ہیں۔
افغان نائب وزیر معیشت لطیف نظری کا کہنا ہے کہ افغانستان عالمی برادری کا فعال رکن بننے کیلیے باوقار تعلقات کا خواہاں ہے۔
رپورٹس کے مطابق دورے کے دوران افغان وفد جاپانی حکام سے ملاقاتیں کرے گا تاہم جاپانی وزارت خارجہ نے فوری طور پر اس پر کوئی تبصرہ نہیں کیا۔
کابل میں جاپان کا سفارتخانہ 2021 میں طالبان کے قبضے اور سابقہ حکومت کے خاتمے کے بعد عارضی طور پر قطر منتقل ہوگیا تھا۔ تاہم اس کے بعد یہ دوبارہ کھل چکا ہے اور ملک میں سفارتی اور انسانی ہمدردی کی سرگرمیاں دوبارہ شروع کر چکا ہے۔
دوسری جانب واضح رہے کہ اقوام متحدہ کی رپورٹ میں انکشاف کیا گیا ہے کہ کالعدم ٹی ٹی پی کو پاکستان پر حملوں کیلئے افغانستان سے فنڈنگ اور لاجسٹک سپورٹ مل رہی ہے، جس سے پاکستان میں دہشت گرد حملوں میں اضافہ ہوا۔
تفصیلات کے مطابق دہشت گردی، افغانستان کا کردار اور پاکستانی سیکیورٹی فورسز کی اعلیٰ کارکردگی پر اقوام متحدہ کی رپورٹ سامنے آگئی۔
اقوام متحدہ کی تجزیاتی معاونت اورپابندیوں کی نگرانی کرنے والی ٹیم نے سلامتی کونسل میں رپورٹ پیش کردی، جس میں افغانستان سے پاکستان میں دہشت گردی اقوام متحدہ نے بھی پاکستانی موقف کی تائید کی۔
رپورٹ میں انکشاف کیا گیا ہے کالعدم تحریک طالبان کو پاکستان پر حملے کیلئے سرحد پار سے مالی مدد ملتی رہی ہے اور افغانستان میں کالعدم ٹی ٹی پی کو فنڈز اور لاجسٹک سپورٹ فراہم کی جارہی ہے، افغان طالبان کی حمایت نے کالعدم ٹی ٹی پی کو پاکستان کے خلاف دہشت گرد حملے تیز کرنے کے قابل بنایا۔
افغانستان میں رواں سال کا پہلا پولیو کیس سامنے آ گیا
رپورٹ میں بتایا گیا کہ افغانستان میں دو درجن سے زائد دہشت گرد گروہ سرگرم ہیں، گروہ نہ صرف افغانستان بلکہ پورے خطے کی سلامتی کیلئے بڑا چیلنج بن چکے۔
رپورٹ میں کہنا تھا کہ افغانستان میں طالبان حکومت کے قیام کے بعد سے دہشت گرد گروپوں کیاثرات مزید بڑھ گئے اور داعش کی افغانستان میں بڑھتی کارروائیاں اور افغان طالبان کی معاونت خطے کیلئے بڑا خطرہ ہے۔
