The news is by your side.

Advertisement

افغانستان: ملکی فورسز کا مدرسے پر فضائی حملہ، 20 جاں بحق، متعدد زخمی

کابل: افغانستان کے صوبہ قندوز میں واقع مدرسے پر افغان فورسز کی جانب سے بمباری کی گئی جس کے نتیجے میں 20 افراد جاں بحق جبکہ متعدد زخمی ہوگئے۔

تفصیلات کے مطابق افغان فورسز کی جانب سے جس وقت بمباری کی گئی اس لمحے طالبان سمیت سینکڑوں عام شہری مدرسے میں موجود تھے جبکہ ملکی فورسز نے طالبان کے اہم رہنماؤں کی موجودگی کی اطلاع پر فضائی کارروائی کی جس کے نیتجے میں درجنوں ہلاکتیں سامنے آئیں۔

ترجمان افغان وزارت دفاع کی جانب سے جاری کردہ بیان میں کہا گیا ہے کہ بمباری افغان فورسز نے اہم اطلاعات پر کی، یہ حملہ طالبان کے تربیتی مرکز پر کیا گیا جس میں 20 طالبان کے جاں بحق ہونے کی تصدیق ہوچکی ہے۔

افغانستان: ریسلنگ اسٹیڈیم کے قریب کار بم دھماکا، 14 افراد جاں بحق، درجنوں زخمی ہوگئے

ترجمان کا مزید کہنا تھا کہ صوبہ قندوز کے ضلع دشت ارچی میں واقع مدرسے میں طالبان معمول کے مطابق اپنی سرگرمیاں انجام دیتے تھے جبکہ ہلاک ہونے والوں میں طالبان کے ریڈ یونٹ کے کمانڈر اور کوئٹہ شوریٰ کا ایک اہم رکن بھی شامل ہے تاہم کارروائی کے دوران فورسز محفوظ رہے۔

دوسری جانب واقعے سے متعلق طالبان کا کہنا ہے کہ اس حملے میں 150 سے زائد مذہبی اسکالر اور عام شہری جاں بحق ہوئے، تاہم حملے کے وقت ہمارا کوئی جنگجو وہاں موجود نہ تھا، افغان فوسز نے مدرسے کے عام شہریوں کو نشانہ بنایا۔

افغانستان میں گلبدین حکمت یار کی ریلی کے قریب دھماکا، 3 افراد جاں بحق، 9 زخمی

خیال رہے کہ افغانستان میں موجود امریکی افواج نے واقعے سے لاتعلقی کا اعلان کیا ہے، جس میں ان کا کہنا تھا کہ فضائی کارروائی افغان فورسز کی جانب سے کی گئی البتہ اس میں امریکی فوج کا کوئی عمل دخل نہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں