چمن سرحد کے قریب افغان انٹیلی جنس افسر گرفتار -
The news is by your side.

Advertisement

چمن سرحد کے قریب افغان انٹیلی جنس افسر گرفتار

اسلام آباد: ایف آئی اے نے بلوچستان کے قریب چمن سے افغان انٹیلی جنس افسر کو غیر قانونی طور پر سرحد پار کرنے پر گرفتار کر لیا، وزارت داخلہ نے افغان انٹیلی جنس افسر کی گرفتاری کی تصدیق کردی.

تفصیلات کے مطابق افغان انٹیلی جنس افسر کی شناخت روزی خان کے نام سے ہوئی ہے، روزی خان افغان آرمی کے انٹیلی جنس یونٹ میں سیکنڈ لیفٹیننٹ افسر ہے، اس کو غیرقانونی طور پر پاکستانی سرحد میں داخل ہونے پر گرفتار کیاگیا۔

گرفتاری کے بعد افغان انٹیلی جنس افسر کو حساس اداروں کو دے دیاگیا اور اسے تفتیش کے لئے نامعلوم مقام پرمنتقل کردیاگیا۔

واضح رہے کہ 6 اپریل کو ایف سی کی جانب سے چمن کے قریب سرحدی علاقے میں افغان انٹیلی جنس افسر کو گرفتار کیا گیا تھا، چھاپے کے دوران چھاپہ مار ٹیم نے چار ایس ایم جیز، ایک اسنائپر رائفل، تین موبائل فون سیٹ، گیارہ انٹینا، پچیس چھوٹے اور دس بڑے بال بیرنگ، پچھتر ڈیٹونیٹر فیوز اور دیگر اشیاء کے ساتھ ساتھ سمیت اسلحہ برآمد کیا تھا.

مشتبہ شخص کی طرف سے انکشافات کی بنیاد پر، ایک اور کمپاؤنڈ پر چھاپہ مارا گیا، جس میں دس کلو گرام دھماکہ خیز مواد ، بم بنانے کے لیے درکار دیگر اشیاءسمیت بارہ کلو گرام دھماکہ خیز مواد ضبط کیاگیا تھا. ایف سی حکام کے مطابق، ضبط اسلحہ اور دھماکہ خیز مواد بلوچستان میں دہشت گردی سے متعلق سرگرمیوں میں استعمال کیا جانا تھا.

Comments

comments

یہ بھی پڑھیں