طالبان کے کنٹرول میں آنے کے بعد سے افغانستان میں ناقابل یقین تناسب کا ایک انسانی بحران اور بھی پیچیدہ اور شدید ہو گیا ہے، ہر دس افغان خاندانوں میں سے 9 بنیادی خوراک کے فقدان کا شکار ہیں۔
تفصیلات کے مطابق افغان طالبان کے قبضے کے بعد ملازمتوں میں کمی، نقدی کی کمی اور بڑھتی ہوئی قیمتیں بھوک کا شکار افراد پر مشتمل افغانستان میں ایک نیا طبقہ پیدا کر رہی ہیں۔
ورلڈ فوڈ پروگرام کی رپورٹ میں بتایا کہ طالبان کے کنٹرول میں آنے کے بعد سے افغانستان میں ناقابل یقین تناسب کا ایک انسانی بحران اور بھی پیچیدہ اور شدید ہو گیا ہے۔
اقوام متحدہ کی رپورٹ میں کہنا تھا کہ ہر دس افغان خاندانوں میں سے نو بنیادی خوراک کے فقدان کا شکار ہیں، مجموعی طور پر 15.8 ملین افغان خوراک کی کمی کا شکار ہیں۔
رپورٹ کے مطابق ملک معاشی تباہی کے دہانے پر ہے، مقامی کرنسی ہر وقت کی کم ترین سطح پر ہے اور خوراک کی قیمتیں بڑھ رہی ہیں۔
ورلڈ فوڈ پروگرام کی رپورٹ میں کہا گیا کہ شدید غذائی قلت 34 میں سے 25 صوبوں میں ہنگامی حد سے اوپر ہے، اور اس کے مزید خراب ہونے کی توقع ہے، 5 سال سے کم عمر کے تقریباً نصف بچے،حاملہ اور دودھ پلانے والی ایک چوتھائی خواتین کو زندگی بچانے والی غذائی امداد کی ضرورت ہوگی۔
رپورٹ میں مزید کہنا تھا کہ افغانستان میں موسم سرما کی وجہ سے خوراک پہنچانا اور اسے دوردراز مقامات پر پہنچانامشکل ہو گیا ہے، گزشتہ دو دہائیوں میں بموں اور گولیوں سے جتنے افغان باشندے ہلاک ہوئے اْس سے کہیں زیادہ افرادکے اب ملک میں پائی جانے والی بھوک اور بدحالی سے ہلاک ہونے کا امکان پیدا ہو چْکا ہے۔
