The news is by your side.

Advertisement

پاکستان کے دل لاہور آکردلی خوشی ہوئی ، افغان صدر اشرف غنی

لاہور : افغان صدراشرف غنی نے کہا پاکستان کے دل لاہور آکردلی خوشی ہوئی جبکہ وزیراعلیٰ پنجاب نے کہا صدراشرف غنی کو لاہور میں دل سے خوش آمدید کہتے ہیں ، امن کے سفر کےلیےہمیں مل کر قدم بہ قدم چلنا ہے۔

تفصیلات کے مطابق افغانستان کے صدر اشرف غنی لاہور پہنچ گئے، وزیراعلیٰ پنجاب عثمان بزدار نے ایئر پورٹ پر معزز مہمان کا استقبال کیا، اشرف غنی نے وزیراعلیٰ سردار عثمان بزدار سے پرجوش مصافحہ کیا اور بچوں نے افغان صدر کو گلدستے پیش کیے۔

عثمان بزدار نے کہا افغانستان کے صدر کو لاہور آمد پر دل کی گہرائیوں سے خوش آمدید کہتے ہیں، اشرف غنی کی آمد پاک افغان تعلقات کے نئے باب کا آغاز اور ہمارے لیے اعزازہے، دورے سے پاک افغان تعلقات مزید مستحکم ہوں گے۔

وزیراعلیٰ پنجاب کا کہنا تھا دونوں ممالک کے مابین تاریخی برادرانہ تعلقات موجود ہیں، تعلقات مضبوط ہونے سے تجارتی و معاشی سرگرمیاں بڑھیں گی، امن کے سفر کے لیے ہمیں مل کر قدم بہ قدم چلنا ہے۔

اس موقع پر افغان صدر نے کہا پاکستان کے دل لاہور آکردلی خوشی ہوئی ۔

دورے کے دوران افغان صدر گورنر پنجاب چوہدری محمد سرور اور وزیر اعلی پنجاب سردارعثمان بزدار سے ملاقات کریں گے اور مفکر پاکستان علامہ محمد اقبال کے مزار پر حاضری دیں گے، فاتحہ پڑھیں گے اور پھول چڑھائیں گے۔

افغان صدر تاریخی بادشاہی مسجد کا دورہ بھی کریں گے۔

یاد رہے گذشتہ روز افغان صدر اشرف غنی 2 دوزہ دورے پر پاکستان پہنچے تو مشیر تجارت عبدالرزاق داؤد نے ان کا استقبال کیا تھا، اس موقع پر افغان سفیرعاطف مشال اوردفتر خارجہ کے اعلی افسران بھی موجود تھے۔

مزید پڑھیں : وزیر اعظم اور افغان صدر ملاقات کا اعلامیہ، دوستی کے نئے باب کے آغاز پر اتفاق

افغان صدر اشرف غنی نے وزیر خارجہ شاہ محمود قریشی ، وزیراعظم اور صدرعارف علوی سے ملاقاتیں کیں۔

وزیراعظم ہاؤس میں وزیرا عظم عمران خان اور افغان صدراشرف غنی کی ون آن ون ملاقات میں خطے کی سیکیورٹی اورقیام امن سےمتعلق تبادلہ خیال کیا گیا۔

وزیراعظم عمران خان اور افغان صدراشرف غنی کی ملاقات کا اعلامیہ جاری کیاگیا ، جس میں دونوں رہنماؤں کاملاقات میں دوستی کے نئے باب کے آغاز پر اتفاق کیا جبکہ پاکستان اورافغانستان میں عوام کی بہتری کیلئےتعاون بڑھانے پر بھی اتفاق ہوا۔

وزیراعظم نے افغان امن عمل میں بھرپورحمایت جاری رکھنےکےعزم کااعادہ کرتے ہوئے کہا افغانستان میں دہائیوں کےتنازع کاحل پرامن مذاکرات میں ہے، افغان امن کےلیےپاکستان نےافغان مذاکراتی عمل کاساتھ دیا۔

Comments

comments

یہ بھی پڑھیں