کابل: افغان صدر اشرف غنی نے کہا ہے پاکستان سے غیر اعلانیہ جنگ جاری ہے جسے ختم ہونا چاہیئے۔
برطانوی نشریاتی ادارے سے بات کرتے ہوئے افغان صدر کا کہنا تھا کچھ قوتیں نہیں چاہتیں کہ امن عمل کا منطقی انجام ہو، مسائل کی نشاندہی کردی ہے پاکستان سے بات چیت جاری ہے۔
ان کا کہنا تھا چاررکنی مذاکراتی عمل میں کافی پیش رفت ہوئی ہے ،دیکھنا ہے ان معاہدوں کی پاسداری ہوتی ہے یا نہیں۔
افغان صدرکا کہنا تھا افغانستان علاقائی اور عالمی جنگ کے لیے پلیٹ فارم بن گیا ہے دولت اسلامیہ کے ساتھ القاعدہ پر بھی توجہ مرکوز رکھنا ہوگی ۔
