کابل : افغان طالبان نے موسمِ بہارکاآغاز ہوتے ہی کابل حکومت کی مذاکرات کی تمام ترکوششوں کے باوجود ’بہارمیں جارحیت‘ کے عنوان سے حملے شروع کرنے کا اعلان کردیا۔
طالبان نے ایک بیان میں کہا ہے کہ ’’ہم ملک بھر میں دہشت گرد حملے کریں گے‘‘۔ اس آپریشن کا نام طالبان کے سابق امیر ملا عمر کے نام پر ’’آپریشن عمری‘‘ رکھا ہے۔
ہر سال افغانستان میں بہار کے موسم میں حملے شروع کیے جاتے ہیں جن کا مقصد ’جنگ کے موسم‘ کےآغاز کا عندیہ دینا ہوتا ہے ، حالانکہ اس سال طالبان نے موسم ِ سرما میں بھی حکومت پر حملے جاری رکھے۔
بیان میں وعدہ کیا گیا ہے کہ ’’شہادت کے اعزازاور ٹارگٹ کے حصول تک حملے کیے جائیں گے‘‘، یعنی کہ طالبان اپنے مخالفین پر خودکش حملے کریں گے جو کہ ان کا طرہ امتیاز ہے۔
واضح رہے کہ گزشتہ روز افغانستان کے مشرقی حصے میں ہونے والے حملے میں 12 رنگروٹ مارے گئے تھے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں