کابل : خیبرپختونخوا کے ضلع باجوڑ میں جے یو پی کے اجتماع میں ہونے والے بم دھماکے کی افغان طالبان نے شدید الفاظ میں مذمت کی ہے۔
سماجی رابطے کی ویب سائٹ ٹویٹر پر اپنے ایک بیان میں افغان طالبان کے ترجمان ذبیح اللہ مجاہد نے لکھا کہ امارت اسلامیہ خیبر پختونخوا کے علاقے باجوڑ میں جمعیت علمائے اسلام کے اجلاس میں دھماکے کی مذمت کرتی ہے۔
ذبیح اللہ مجاہد نے کہا کہ متاثرہ خاندانوں سے تعزیت اور زخمیوں کی جلد صحت یابی کے لیے دعا گو ہیں کہ اللہ تعالیٰ شہداء کو جنت الفردوس میں اعلیٰ مقام عطا فرمائے۔
امارت اسلامیہ افغانستان خیبرپختونخوا کے علاقے باجوڑ ایجنسی میں جمعیت علمائے اسلام کے ایک پروگرام میں ہونے والے دھماکے کی مذمت کرتی ہے۔
امارت اسلامیہ متاثرہ خاندانوں کے ساتھ اپنی گہری تعزیت کا اظہار کرتی ہے اور شہداء کے لیے جنت الفردوس اور زخمیوں کی جلد صحت یابی کی دعاگو ہے۔
۲/۱— Zabihullah (..ذبـــــیح الله م ) (@Zabehulah_M33) July 30, 2023
ان کا مزید کہنا تھا کہ ایسے جرائم کسی طور بھی جائز یا قابل توجیہہ نہیں ہیں۔
واضح رہے کہ خیبر پختونخوا کے ضلع باجوڑ میں جمعیت علمائے اسلام (ف) کے ورکرز کنونشن میں ہونے والے دھماکے کے نتیجے میں کم از کم 40 افراد جاں بحق اور 150 سے زیادہ زخمی ہوگئے ہیں، آخری اطلاعات تک آئی جی کے پی نے دھماکے کو خود کش قرار دیا ہے۔
