افغانستان طالبان حکومت کے نائب وزیر داخلہ ابراہیم صدر نے پاکستان اور بھارت کے ایک دوسرے پر حملوں اور کشیدگی کے دوران ’خفیہ طور پر‘ بھارت کا دورہ کیا۔
بی بی سی کی رپورٹ کے مطابق پہلگام فالس فلیگ آپریشن کے بعد نائب افغان وزیرداخلہ ابراہیم صدر خفیہ دورے پر بھارت گئے تھے، ملا ابراہیم صدر کے خفیہ دورے کے وقت پاک بھارت کشیدگی عروج پر تھی۔
بی بی سی پشتو کے مطابق نائب افغان وزیرداخلہ نے خفیہ دورے میں بھارتی حکام سےملاقات بھی کی، ملا ابراہیم کو طالبان رہنما ملا ہیبت اللہ کا قریب سمجھا جاتا ہے۔
دوسری جانب گزشتہ روز بھارتی وزیرخارجہ جے شنکر نے طالبان حکومت کے وزیر خارجہ امیر خان متقی سے ٹیلی فون پر گفتگو کی تھی، جے شنکر نے کہا افغان وزیرخارجہ کے ساتھ اچھی بات چیت ہوئی۔
