The news is by your side.

Advertisement

افغان طالبان کو ان کے عمل سے پرکھا جائے گا الفاظ سے نہیں، برطانوی وزیراعظم

لندن : برطانوی وزیر اعظم بورس جانسن نے افغانستان کی صورتحال سے متعلق کہا ہے کہ 20 سال میں حاصل کامیابیوں کے تحفظ کےلیے ہر سفارتی ذریعہ استعمال کریں گے۔

ان خیالات کا اظہار برطانیہ کے وزیر اعظم بورس جانسن نے مائیکرو بلاگنگ ویب سائٹ ٹوئٹر پر کیا، انہوں نے اپنے ٹوئٹ میں کہا کہ افغان طالبان کو ان کے عمل سے پرکھا جائے گا الفاظ سے نہیں۔

بورس جانسن کا کہنا تھا کہ برطانیہ اپنے دوست ممالک اور اتحادی افغان عوام کے ساتھ کھڑا ہے اور افغان عوام کے شانہ بشانہ کھڑے ہوکر مدد کرنا ہوگی۔

بورس جانسن نے اپنے ٹوئٹ میں کہا کہ 20 سال میں حاصل کامیابیوں کے تحفظ کےلیے ہر سفارتی ذریعہ استعمال کریں گے، افغانستان کی صورتحال پر آج جی 7 ممالک کا ہنگامی اجلاس ہوگا۔

واضح رہے کہ افغانستان سے امریکی اور غیر ملکی افواج کے نکلتے ہی افغان طالبان نے دارالحکومت کابل سمیت پورے افغانستان پر اپنا کنٹرول قائم کرلیا ہے، تاہم صوبہ پنجشیر پر تاحال افغان طالبان اپنا قبضہ قائم کرنے میں ناکام رہے ہیں۔

Comments

یہ بھی پڑھیں