The news is by your side.

Advertisement

کابل میں نائب افغان صدر کے قافلے پر بم حملہ،10 افراد ہلاک

کابل: نائب افغان صدر کے قافلے پر بم حملہ ہوا جس کے نتیجے میں 10 افراد ہلاک ہوگئے تاہم امراللہ صالح کو صرف معمولی چوٹیں آئی ہیں۔

تفصیلات کے مطابق آج صبح افغانستان کے دارالحکومت کابل میں سڑک کنارے بم دھماکے کے نتیجے میں 10 افراد جان کی بازی ہار گئے جبکہ 9 افراد زخمی ہوگئے، حملے میں افغانستان کے پہلے نائب صدر امراللہ صالح بال بال بچ گئے۔

بم حملے کے دو گھنٹے بعد ویڈیو پیغام میں نائب افغان صدر نے کہا کہ اس واقعے میں ان کے متعدد محافظ زخمی ہوگئے ہیں اور انہیں نیشنل ڈائریکٹوریٹ آف سیکیورٹی اسپتال لایا گیا ہے۔

امراللہ صالح کا کہنا تھا کہ مجھے اور میرے بیٹے عباد اللہ جان کو کوئی نقصان نہیں پہنچا، لیکن میرا چہرہ اور بازو زخمی ہوئے ہیں۔

افغان وزارت داخلہ کے ترجمان نے بتایا کہ اس حملے میں نائب افغان صدر امراللہ صالح کے محافظوں سمیت 10 شہری ہلاک اور 9 زخمی ہوگئے۔

میڈیا رپورٹس کے مطابق فوری طور پر دھماکے کی ذمہ داری کسی تنظیم کی جانب سے قبول نہیں کی گئی ہے۔

افغان صدر اشرف غنی نے حملے کی مذمت کرتے ہوئے کہ واقعے کی مکمل تحقیقات کا مطالبہ کیا ہے۔

Comments

یہ بھی پڑھیں