راولپنڈی: آرمی چیف آف اسٹاف جنرل راحیل شریف نے کہا ہے کہ افغان شہری پاکستانیوں کی طرح عزیز ہیں اگر کوئی افغان دہشت گردی کا شکار ہو تو بہت دکھ ہوتا ہے۔
آئی ایس پی آر کے مطابق 13 رکنی افغان صحافیوں کے وفد نے آئی ایس پی آر، وزارت خارجہ، وزارت تجارت کا دورہ کیا، اس موقع پر ڈی جی آئی ایس پی آر نے صحافیوں کے وفد کو افغان بارڈر پر کی جانے والے کاوشوں سے آگاہ کیا۔ دورانِ ملاقات افغان وفد کو آرمی چیف کے دورہ انگلینڈ کے حوالے سے بھی تفصیلی آگاہ کیا گیا۔
اس موقع پر صحافیوں سے گفتگو کرتے ہوئے آرمی چیف جنرل قمر جاوید باجوہ نے کہا کہ ’’افغان شہری پاکستانی شہریوں کی طرح عزیز ہیں اگر وہاں کا شہری دہشت گردی کا شکار ہو تو بہت رنج ہوتا ہے‘‘۔
پڑھیں: ’’ آرمی چیف نے پاک افغان سرحد پر باڑ لگانے کا حکم دے دیا ‘‘
واضح رہے افغانستان کی سرزمین کو استعمال کرتے ہوئے دہشت گردوں نے متعدد بار پاکستان پر حملے کیے، حالیہ دنوں لاہور چیئرنگ کراس پر ہونے والے واقعے کی تحقیقات میں یہ بات سامنے آئی تھی کہ حملے کی پلاننگ افغانستان میں کی گئی تھی۔
پاکستان کی جانب سے ہر بار افغانستان سے بردرانہ بات کی جاتی ہے، دہشت گردوں کی نقل و حرکت روکنے کے لیے چمن بارڈر سمیت افغان سرحدی پٹی پر باڑ لگانے کا کام تیزی سے جاری ہے جبکہ سرحد پار کرنے کے لیے ویزا کی شرط بھی لازمی قرار دے دی گئی ہے۔
