کابل: آئی سی سی کرکٹ ورلڈ کپ 2019 کے لیے افغانستان کی 15 رکنی ٹیم کا اعلان کردیا گیا۔
تفصیلات کے مطابق افغانستان نے ورلڈ کپ 2019 کے لیے پندرہ رکنی اسکواڈ کا اعلان کردیا، افغانستان ٹیم کی قیادت گلبدین خان کریں گے، افغان ٹیم دوسری بار ورلڈ کپ میں شرکت کررہی ہے۔
افغانستان کرکٹ ٹیم میں کپتان گلبدین خان، محمد شہزاد، نور علی زردان، حضرت اللہ، محمد نبی، حشمت اللہ، نجیب اللہ، دولت زردان، سمیع اللہ شنواری، آفتاب عالم، حامد حسن، نجیب الرحمان، راشد خان، اصغر افغان اور رحمت شاہ شامل ہیں۔
Afghanistan Cricket Board Selection Committee announced Afghanistan’s squad for the upcoming ICC Cricket World Cup 2019.
Find out more: https://t.co/3FecMDpRcB#AfghanAtalan #CWC2019 #CWC19 pic.twitter.com/xCSFmXGLJV
— Afghanistan Cricket Board (@ACBofficials) April 22, 2019
واضح رہے کہ ورلڈ کپ 2019 کا آغاز 30 مئی کو جنوبی افریقا اور انگلینڈ کے درمیان میچ سے ہوگا۔
افغانستان کی ٹیم ورلڈ کپ میں اپنا پہلا میچ یکم جون کو آسٹریلیا کے خلاف کھیلے گی، افغانستان کے لیگ اسپنر راشد خان اور آل راؤنڈر محمد نبی متعدد لیگز میں حصہ لے چکے ہیں۔
ویسٹ انڈیز کی کرکٹ ٹیم کے علاوہ تمام ٹیموں کی جانب سے اسکواڈ کا اعلان کیا جاچکا ہے۔
