کابل : طالبان کی جانب سے افغانستان کی عبوری حکومت کے وزیر صحت قلندر عباد نے کہا ہے کہ طالبان جنہوں نے حال ہی میں افغانستان میں حکومت بنائی ہے روس کی کوویڈ19ویکسینز کی فراہمی میں دلچسپی رکھتے ہیں۔

طالبان وزیر صحت نے زور دے کر کہا کہ ہر وہ چیز جو وبائی مرض سے لڑنے اور ہمارے شہریوں کی صحت کو مضبوط بنانے میں مدد کرتی ہے ہمارے لیے بہت اہمیت کی حامل ہے۔

ان کا مزید کہنا تھا کہ ہم روس کے ساتھ ساتھ دوسرے ملک سے بھی ویکسین حاصل کرنے میں دلچسپی رکھتے ہیں جو اس شعبے میں ہماری مدد کرنا چاہتا ہے۔ ان کا کہنا تھا ہم فی الحال روسی ویکسین میں دلچسپی رکھتے ہیں اور اس پر کام کر رہے ہیں۔