افغانستان نے تاریخ رقم کرتے ہوئے 3 ون ڈے میچز کی سیریز کے پہلے میچ میں جنوبی افریقا کو 6 وکٹوں سے ہرادیا۔
جنوبی افریقا نے شارجہ میں کھیلے گئے میچ میں افغانستان کے خلاف ٹاس جیت کر پہلے بلے بازی کا فیصلہ کیا، جنوبی افریقا کی آدھی ٹیم صرف 29 رنز پر آؤٹ ہوگئی۔
جنوبی افریقی ٹیم افغانستان کے خلاف پہلے ون ڈے میں ویان ملڈر کے 52 رنز کی بدولت 34 ویں اوور میں 106 رنز بناکر آؤٹ ہوگئی۔
افغانستان کا آغاز بھی 107رنز کے ہدف کے جواب میں اچھا نہ تھا۔ اوپنر رحمان اللہ گرباز بغیر کوئی رن بنائے آؤٹ ہوئے جبکہ رحمت شاہ 8 رنز بناسکے۔ اس کے علاوہ ریاض حسن اور رحمت اللہ شاہدی بھی 16،16 رنز بناکر پویلین لوٹ گئے۔
4 وکٹیں گرنے کے بعد گلبدین نائب 34 اور عظمت اللہ عمر زئی نے 25 رنز کی اننگز کھیلی اور افغانستان نے ہدف 26 اوورز میں حاصل کرکے تین میچوں کی سیریز میں ایک صفر کی برتری حاصل کرلی۔
ویمنز ٹی20: پاکستان نے جنوبی افریقہ کو شکست دیکر سیریز برابر کردی
واضح رہے کہ یہ افغانستان نے جنوبی افریقا کے خلاف کسی بھی فارمیٹ میں پہلی کامیابی حاصل کی ہے۔
