گورنر کی مداخلت: پاکستان نے جلال آباد میں قائم سفارت خانہ احتجاجاً بند کردیا -
The news is by your side.

Advertisement

گورنر کی مداخلت: پاکستان نے جلال آباد میں قائم سفارت خانہ احتجاجاً بند کردیا

+

جلال آباد : پاکستان نے افغان شہر جلال آباد میں اپنا سفارت خانہ بند کردیا، گورنر کی امور میں بے جا مداخلت بندش کا باعث بنی، قونصل خانے کی سیکیورٹی بحال کرنے کا مطالبہ کردیا۔

تفصیلات کے مطابق افغانستان کے شہر جلال آباد میں قائم پاکستان نے اپنا سفارت خانہ احتجاجاً بند کردیا ہے، اس حوالے سے ترجمان کا کہنا ہے کہ گورنر حیات اللہ حیات کی قونصل خانے کے امور میں بے جا مداخلت افسوسناک ہے۔

افغان حکومت کو خط لکھ کر معاملے سے آگاہ کردیا گیا ہے، اس کے علاوہ افغانستان کے مقامی حکام بھی پاکستان کے قونصل خانہ کے امور میں رکاوٹ بن رہے تھے ۔

ترجمان کا مزید کہنا ہے کہ سفارت خانے نے گورنرکی بےجا مداخلت پر افغان وزارت خارجہ سے بھی رابطہ کیا ہے، گورنر کی قونصل خانے کے امور میں مداخلت ویانا کنونشن کی خلاف ورزی ہے۔

ترجمان کے مطابق28اگست کی سیکیورٹی پوزیشن بحال ہونے تک قونصل خانہ بند رہے گا، سفارت خانے نے جلال آباد قونصل خانے کی سیکیورٹی بحال کرنے کا مطالبہ کرتے ہوئے کہا ہے کہ گورنر کو قونصل خانہ کے امورمیں مداخلت سے روکا جائے جب تک سکیورٹی کے تسلی بخش اقدامات نہیں ہو جاتے تب تک قونصل خانہ بندرہے گا۔

Comments

comments

یہ بھی پڑھیں