افغانستان کرکٹ ٹیم کے کھلاڑی ابوظہبی میں عید منا رہے ہیں تاہم پاکستان کے 2 سابق کرکٹرز بھی ٹیم کے ہمراہ ہیں۔
سعودی عرب سمیت متحدہ عرب امارات، یورپ اور امریکا میں عیدالاضحیٰ آج منائی جارہی ہے، جبکہ افغانستان کرکٹ ٹیم کے کھلاڑیوں نے ابوظہبی میں عید منائی۔
Here are AfghanAtalan wishing all of you a very happy Eid Al Adha! 🤩#AfghanAtalan | #EidMubarak pic.twitter.com/FJkYBVCxpq
— Afghanistan Cricket Board (@ACBofficials) June 28, 2023
سوشل میڈیا پر افغان کرکٹ بورڈ نے کھلاڑیوں اور کوچز کی تصاویر شیئر کی ہیں، جس میں افغانستان کے کھلاڑیوں کو روایتی ملبوسات میں دیکھا جاسکتا ہے۔
دوسری جانب آل راؤنڈر راشد خان نے بھی انسٹاگرام پر دنیا بھر میں آج کے دن عید منانے والوں کو عید کی مبارکباد دی ہے اور اپنی تصویر شیئر کی ہے۔
View this post on Instagram
پاکستان کے سابق کرکٹرز عمران فرحت بطور بیٹنگ کوچ اور رانا نوید الحسن بطور بولنگ کوچ افغان ٹیم کے ساتھ ہیں۔
واضح رہے کہ افغانستان کرکٹ ٹیم دورۂ بنگلا دیش اور ورلڈ کپ کی تیاریوں میں مصروف ہے, آئی سی سی ورلڈکپ کا آغاز پانچ اکتوبر سے ہوگا جب کہ فائنل 19 نومبر کو کھیلا جائے گا، پہلا میچ دفاعی چیمپئن انگلینڈ اور نیوزی لینڈ کے درمیان بھارت کے شہر احمد آباد میں ہوگا۔
