لکھنؤ: افغانستان کرکٹ ٹیم کے کھلاڑیوں نے ورلڈ کپ میں نیدرلینڈز کے خلاف میچ کے دوران میدان میں نماز ظہر ادا کی جس کی تصاویر سوشل میڈیا پر وائرل ہوگئیں۔
لکھنؤ میں کھیلے جارہے میچ میں نیدرلینڈز کی ٹیم 46.3 اوورز میں 179 رنز پر ڈھیر ہوگئی اور افغانستان کو جیت کے لیے 180 رنز دیا جس کے تعاقب میں افغانستان کی بیٹنگ جاری ہے۔
سائبرانڈ 58 رنزبناکرٹاپ اسکورر رہے، میکس او ڈاؤڈ 42 رنز بنا کر رن آؤٹ ہوئے، کولن ایکرمین 29 رنز بنا کر پویلین لوٹ گئے۔
افغانستان کی جانب سے محمد نبی نے تین کھلاڑیوں کو پویلین کی راہ دکھائی، نور احمد نے دو، مجیب الرحمان نے ایک وکٹ حاصل کی۔
تاہم نیدرلینڈز کی اننگز کے دوران افغان کھلاڑیوں نے میدان میں نماز ظہر ادا کی، جس کی تصاویر وائرل ہوگئیں۔
تصاویر میں افغان کھلاڑیوں کو میدان میں نماز پڑھتے ہوئے دیکھا جاسکتا ہے۔
Afghanistan players offering prayers during the match in Lucknow. Ma Shaa Allah ❤️❤️ #CWC23 #NEDvAFG pic.twitter.com/GMztK8QGSN
— Farid Khan (@_FaridKhan) November 3, 2023
واضح رہے کہ یہ پہلا موقع نہیں ہے کہ جب کھلاڑیوں نے میچ کے دوران گراؤنڈ میں نماز ادا کی ہو، اس سے قبل پاکستان کے وکٹ کیپر بیٹر محمد رضوان نے بھی کئی بار میدان میں نماز پڑھی ہے۔