اسلام آباد: پاکستان کی سر زمین پر افغانستان سے لائے جانے والے غیر ملکی اسلحہ کے استعمال کے ثبوت ایک بار پھر منظر عام پر آ گئے۔
سیکیورٹی ذرائع کے مطابق پاکستان میں افغان سرزمین سے ہونیوالی دہشت گردی کے واقعات بڑھ گئے، مستونگ، ژوب، پشین، گوادر، نوشکی میں دہشت گردوں نے غیر ملکی اسلحہ استعمال کیا۔
سیکیورٹی ذرائع کا کہنا ہے کہ ضلع خیبر، باجوڑ، شمالی وزیرستان، میر علی، میران شاہ، چترال، ڈی آئی خان، ٹانک میں حملوں میں غیر ملکی اسلحے کا استعمال کیا گیا۔
- Advertisement -
سیکیورٹی ذرائع کا کہنا ہے کہ افغانستان سے پاکستانی آنیوالی پیاز کی بوریوں سے غیر ملکی ہتھیار برآمد ہوئے، افغانستان سے دہشت گرد پاک افغان سرحد کے ذریعے دراندازی کرتے ہیں۔
سیکیورٹی ذرائع کے مطابق دراندازی کرنے والے دہشت گردوں کو افغانستان سے غیر ملکی اسلحہ دستیاب ہے۔
