براعظم افریقہ میں دیوار چین کی طرز پر ایک اور عظیم دیوار بنائی جارہی ہے۔ مگر اس دیوار کی منفرد بات یہ ہے کہ یہ دیوار درختوں پر مشتمل بالکل سبز ہوگی۔
افریقہ میں جنگلات کی بے دریغ کٹائی اور بے روزگار افراد کی بڑی تعداد کو دیکھتے ہوئے اس منصوبے پر کام شروع کیا گیا جس سے ایک طرف تو افریقہ میں لوگوں کو ملازمتیں ملیں، تو دوسری جانب یہاں جنگلات میں بھی اضافہ ہوگا۔
یہ دیوار مغرب میں افریقی ملک سینیگال سے لے کر مشرق میں صومالیہ تک بنائی جارہی ہے جو 15 کلو میٹر چوڑی ہوگی۔
اس عظیم منصوبے کا آغاز سنہ 2007 سے کیا گیا تھا اور سینیگال میں اس کا کام تقریباً مکمل ہوچکا ہے۔ گو کہ یہ منصوبہ سینیگال کو 2 ارب ڈالرز کے قریب پڑا، تاہم اس سے ملک کی زرخیزی اور زراعت میں اضافہ ہوا۔
ماہرین کا کہنا ہے کہ اگر یہ دیوار پایہ تکمیل تک پہنچ جاتی ہے تو یہ دنیا کا سانس لیتا سب سے بڑا تعمیراتی شاہکار ہوگا۔
مزید پڑھیں: افریقی خانہ جنگیوں سے گوریلا بھی غیر محفوظ
تو اگر آپ کو موقع ملے، عظیم دیوار چین، اور عظیم دیوار افریقہ کی سیر کرنے کا، تو آپ کون سی دیوار کو منتخب کرنا چاہیں گے؟
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
