کراچی: ایدھی ہوم سے آئی سی سی چیمپئنز ٹرافی کے سفر کا آغاز ہوگیا۔ اس موقع پر شاہد خان آفریدی نے اپنے خیالات کا اظہار کرتے ہوئے کہا کہ ایدھی صاحب نے عملاً انسانیت کی خدمت کر کے دکھائی۔
تفصیلات کے مطابق آئی سی سی چیمپئنز ٹرافی کے سفر کا آغاز کراچی سے کردیا گیا۔ اس موقع پر شاہد خان آفریدی نے ایدھی صاحب کی خدمات کو سراہا۔
شاہد آفریدی نے میڈیا سے گفتگو کرتے ہوئے کہا کہ ایدھی صاحب نے عملاً انسانیت کی خدمت کر کے دکھائی ہے، ایدھی صاحب پاکستان پر بڑا احسان کر کے گئے ہیں۔
چیمپئنز ٹرافی کا ذکر کرتے ہوئے اسٹار آل راؤنڈر کا کہنا تھا کہ آئی سی سی کا ہر ایونٹ بہت زبردست ہوتا ہے۔ ہم اپنی بولنگ، فیلڈنگ اور بیٹنگ پر توجہ دے کر اچھے رزلٹ حاصل کرسکتے ہیں۔
پاک بھارت سیریز کے حوالے سے آفریدی نے کہا کہ بی سی سی آئی پاکستان سے کرکٹ کھیلنا چاہتا ہے، اگر ان کی حکومت اجازت دیتی ہے تو اچھی کرکٹ دیکھنے کو ملے گی۔ آفریدی کا کہنا تھا کہ پاک بھارت سیریز ہوگئی تو وہ میچ دیکھنے ضرور جائیں گے۔
مزید پڑھیں: بھارتی کرکٹ بورڈ کا اپنی حکومت سے پاک بھارت سیریز کا مطالبہ
آفریدی کا کہنا تھا کہ بھارت کے خلاف کھیلتے ہوئے کھلاڑیوں کو پریشان نہیں ہونا چاہیئے۔ پاک بھارت میچ میں پریشر ضرور ہوتا ہے، کھلاڑیوں نے پریشر ہینڈل کرلیا تو میچ کے اچھے نتائج آئیں گے۔
ایک سوال کے جواب میں آفریدی کا کہنا تھا کہ انٹرنیشنل کرکٹ ملک میں ضرور آئے گی مگر تھوڑا وقت لگے گا، پی ایس ایل کے فائنل سے پوری دنیا میں امن کا پیغام گیا ہے۔
An honor to unveil the @ICC champions trophy at the iconic Edhi center, met the iron strong kids and offered Fateha – #PakistanZindabad pic.twitter.com/NmsAai5Yuo
— Shahid Afridi (@SAfridiOfficial) March 30, 2017