The news is by your side.

Advertisement

شاہد آفریدی نے اولمپئن منصور احمد کے علاج کا خرچہ اٹھانے کا اعلان کردیا

کراچی: ایک قومی ہیرو کو بچانے کے لیے دوسرا قومی ہیرو میدان میں آگیا، شاہد آفریدی نے سابق اولمپئن منصور احمد کے علاج کا خرچہ اٹھانے کا اعلان کر دیا.

تفصیلات کے مطابق معروف آل راؤنڈر اور کراچی کنگز کے صدر شاہد خان آفریدی زیر علاج سابق اولمپئن کی مدد کے لیے سامنے آگئے ہیں. بوم بوم نے اعلان کیا ہے کہ کراچی آتے ہی وہ سابق اولمپئن منصوراحمد کی عیادت کریں گے اور ان کے علاج کا تمام خرچہ اٹھائیں گے

شاہد آفریدی نے اپنے ٹویٹ میں کہ وہ ہمیشہ اپنے قومی ہیروز کا مشکل اور دشوار حالات میں بھرپور ساتھ دیں گے، ان قومی ہیروز نے پاکستان کا جھنڈا بین الاقوامی دنیا میں بلند کیا۔

واضح رہے کہ منصور احمد ان دنوں شدید علیل اور معاشی مسائل کا شکار ہیں. گذشتہ دنوں انھیں‌ ہارٹ اٹیک کی وجہ سے جناح‌ اسپتال میں داخل کیا گیا تھا.

1994 کے ہاکی ورلڈ کپ فائنل میں پینلٹی اسٹروک روک کر پاکستان کو ورلڈ چیمپیئن بنانے والے قومی ہیرو منصور احمد کا سال 2016 جون میں بھی آپریشن ہوا تھا، جس کے بعد وہ صحت یاب ہوگئے تھے۔ البتہ پھر انھیں امراض قلب نے گھیر لیا۔

یاد رہے کہ انھوں نے 1986 سے 2000 تک قومی ہاکی ٹیم میں بحیثیت گول کیپر بہترین کارکردگی کا مظاہرہ کیا، اس دوران منصوراحمد نے 338 عالمی میچز کھیلے۔ وہ ایشیا کے نمبر ون گول کیپر بھی رہے ۔اولمپکس کھیلتے ہوئے انہوں نے متعدد سلور اور گولڈ میڈل بھی اپنے نام کئے۔

اب نامور آل راؤنڈر نے منصور احمد کے علاج کا خرچہ اٹھانے کا اعلان ہے. یاد رہے کہ اس وقت پاکستان سپر لیگ کا تیسرا سیزن جاری ہے، جس کا فائنل اس بار کراچی میں کھیلا جائے گا. شاہد آفریدی کراچی کنگز کا حصہ ہیں.


قومی ہیرو منصور احمد سرکاری اسپتال میں زندگی کی جنگ لڑ رہے ہیں


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں