The news is by your side.

Advertisement

اسمگل شدہ موبائل فونز 31 دسمبر کے بعد بلاک کردیے جائیں گے، فواد چوہدری

پاکستان میں پہلے سے موجود موبائل بلاک نہیں کیے جائیں گے

اسلام آباد: وفاقی وزیر اطلاعات فواد چوہدری نے کہا ہے کہ 31 دسمبر کے بعد اسمگل شدہ تمام غیر رجسٹرڈ شدہ موبائل فونز بلاک کردیے جائیں گے اور مستقبل میں ان کی درآمد پر پابندی بھی لگائی جائے گی۔

اسلام آباد میں میڈیا سے گفتگو کرتے ہوئے فواد چوہدری کا کہنا تھا کہ ’موبائل فونز میں ڈی آئی آر بی ایس سسٹم نافذ کررہےہیں، پاکستان کی مقامی موبائل کمپنیز کی حوصلہ افزائی کرتے ہوئے مستقبل میں استعمال شدہ فون کی درآمد پر پابندی عائد کی جائے گی‘ْ

اُن کا کہنا تھا کہ ملک میں پہلے سے موجود موبائل فونز 31 دسمبر کے بعد بلاک نہیں ہوں گے بلکہ نئے درآمد ہونے والے فون بلاک کردیے جائیں گے۔

کرتار پور بارڈر

وفاقی وزیراطلاعات کا کہنا تھا کہ وزیراعظم عمران خان 28 نومبر کوکرتارپور سرحدی پوائنٹ کا دورہ اور افتتاح کریں گے، افتتاحی تقریب میں بھارتی صحافیوں اور نوجوت سنگھ سدھو کو حکومت کی جانب سے دعوت نامے ارسال کیے جائیں گے۔

مزید پڑھیں: موبائل ویری فکیشن کی آخری تاریخ میں 2 ماہ کی توسیع

فواد چوہدری کا کہنا تھا کہ پاکستان اور بھارت کے درمیان مسئلہ کشمیر  ایک اہم مسئلہ ہے جس کے حل کیلئے مثبت پیش رفت کرنا ضروری ہے۔ اُن کا کہنا تھا کہ کرتارپور بارڈر پر ویزا فری انٹری ہوگی جس کا باقاعدہ طریقہ کار بنایا جارہا ۔

چینی قونصل خانے پر حملہ

وفاقی وزیر اطلاعات کا کہنا تھا کہ ’چین نے یقین دلایا کہ وہ ہر صورت پاکستان کا ساتھ دے گا کیونکہ پاکستان ترقی کی راہ پر گامزن ہے اور سب جانتے ہیں کہ پاک چین تعلقات سے کس کو تکلیف ہے‘۔

نیشنل بینک کے نئے صدر کا اعلان

نیشنل بینک کے صدر کا اعلان کرتے ہوئے فواد چوہدری کا کہنا تھا کہ عارف عثمانی نیشنل بینک کےنئےصدرہوں گے۔

بنی گالہ اراضی

وفاقی وزیر کا کہنا تھاکہ ’وزیراعظم کا بنی گالہ میں گھر مکمل طورپرقانونی ہے کیونکہ اس کی تعمیرات 30 سال قبل مروجہ قانون کے تحت ہوئیں‘۔

یہ بھی پڑھیں: غیررجسٹرڈ موبائل کی تصدیق کروائیں، پی ٹی اے کی صارفین کو ہدایت

اپوزیشن پر تنقید کرتے ہوئے فواد چوہدری کا کہنا تھا کہ 10سال بعد ان کو نیب قوانین اور کمروں کا خیال آ گیا، سیف الرحما ن جیسے لوگوں کوچیئرمین نیب لگایاگیا جنہیں شہباز شریف خود فون کر کے مخالفین کی سزاؤں میں افاضہ کرواتے تھے۔

Comments

comments

یہ بھی پڑھیں