سیئول: پب جی مفت کھیلنے کے اعلان کے بعد اس کے کھلاڑیوں میں یومیہ 80 ہزار کا حیرت انگیز اضافہ ہو رہا ہے۔
اے آروائی نیوز براہِ راست دیکھیں live.arynews.tv پر
تفصیلات کے مطابق دنیا بھر میں مار دھاڑ سے بھرپور جنوبی کوریا کے نہایت مقبول گیم پب جی نے کئی ماہ قبل مفت ہونے کا اعلان کیا تھا، اس کے بعد سے یومیہ 80 ہزار نئے کھلاڑی اس سے وابستہ ہو رہے ہیں۔
اب تک 214 روز میں مجموعی طور پر ایک کروڑ 70 لاکھ یوزر اس کا حصہ بن چکے ہیں۔
یاد رہے کہ اس سال جنوری میں پب جی نے مفت گیم کھیلنے کی پیش کش کی تھی کیوں کہ کئی آن لائن گیمنگ پلیٹ فارمز نے بھی اپنی سہولیات مفت میں فراہم کرنے کا اعلان کیا تھا۔
گیمز پیش کرنے والی تمام کمپنیوں کا اصل ہدف یہ تھا کہ زیادہ سے زیادہ لوگ اس میں شامل ہو سکیں، اسی طرح فال گائز نامی گیم، ایپکس لیجنڈز اور ڈیسٹنی ٹو نے بھی لائیو اسٹریم مفت کر دی تھی۔
پب جی کو اس کا شان دار فائدہ حاصل ہوا، اور حیرت انگیز طور پر گیمرز کی تعداد بڑھ گئی جو 80 ہزار یومیہ کے برابر ہے، تاہم ان میں باقاعدگی سے گیم کھیلنے والے صارفین کی تعداد کم ہے۔
رپورٹس کے مطابق سال کی پہلی سہ ماہی میں پب جی کی آمدنی 20 فی صد بڑھ گئی ہے، اور پب جی عالمی سطح پر اب بھی دوسرا بڑا آن لائن گیم پلیٹ فارم ہے۔
