اسلام آباد : اپوزیشن نے وزیراعظم کے بعد صدر مملکت ، چیئرمین ،ڈپٹی چیئرمین سینیٹ اور 3گورنرز کی کی تبدیلی کا فیصلہ کرلیا۔
تفصیلات کے مطابق وزیراعظم کے بعد 7آئینی عہدے ن لیگ اور اتحادیوں کے نشانے پر آگئے ، جس میں صدر مملکت ، چیئرمین ،ڈپٹی چیئرمین سینیٹ اور 3گورنرز کے عہدے شامل ہیں۔
نئے وزیراعظم کے انتخاب کے بعد 7آئینی عہدوں پر مرحلہ وارتبدیلی پر اتفاق کرلیا گیا ہے ، ذرائع کا کہنا ہے کہ پہلے مرحلے میں وفاقی کابینہ پر اتفاق رائے پیدا کیا جائے گا۔
اپوزیشن نے صدر کیخلاف مواخذے کی تحریک کی پر مشاورت شروع کردی جبکہ ن لیگ اور اتحادی چیئرمین سینیٹ کو ہٹانے کیلئے بی اے پی کو ٹاسک دینے پر غور کررہی ہے۔
بی اے پی کو چیئرمین سینیٹ کو استعفیٰ دینے کی ہدایت دینے پر آمادہ کیا جائے گا ، جس پر بی اے پی کو ڈپٹی چیئرمین سینیٹ یا پھر کابینہ میں مزیدحصہ دیا جائے گا۔
نئے چیئرمین سینیٹ کیلئے سید یوسف رضا گیلانی مضبوط امیدوار ہیں، اس سلسلے میں شہباز شریف رابطے اورملاقاتیں حلف برداری کے بعد شروع کریں گے۔
