اہلیہ کی موت نے غمگین شوہر کو اس قدر دلبرداشتہ کیا کہ اس نے اپنی بیوی کی دوائیں کھا کر زندگیا کا خاتمہ کرلیا۔
تفتیش میں یہ بات سامنے آئی ہے کہ اپنی بیوی کی موت کے بعد اسٹیٹ ایجنٹ ایڈم تھامسن کو سمجھ نہیں آرہی تھی کہ آگے کی زندگی کس طرح گزرے گی۔ اس کی اہلیہ پچھلے پانچ سالوں سے بریسٹ کینسر میں مبتلا تھی اور اس کے لیے دوائیں کھاتی تھیں۔
39 سالہ ایڈیم نے کینسر کی دوائوں کا استعمال کرتے ہوئے اپنی جان لے لی۔ وہ بریسٹ کینسر سے اپنی بیوی کی موت پر کافی دلبرداشتہ تھا۔ 10 اکتوبر کو اس کے والد نے اسے گھر میں مردہ حالت میں پایا۔
مذکورہ شخص کی موت 44 سالہ بیوی لوسی کی موت کے چار ماہ بعد ہوئی ہے، لوسی میں فروری 2018 میں پہلی بار اس بیماری کی تشخیص ہوئی تھی جس کے بعد وہ پانچ سال چھاتی کے کینسر سے لڑتی رہی۔
اس دوران اسٹیٹ ایجنٹ نے اس کی بھرپور طریقے سے دیکھ بھال کی اور بیماری کے دوران بیوی کا خیال رکھنے کے حوالے سے کوئی کسر نہ چھوڑی۔
لوسی کی موت کے تقریباً آس پاس ہی ایڈیم کے خاندان کے ایک قریبی رکن اور اس کے پالتو کتے کی بھی موت واقع ہوئی گئی۔
مذکورہ شخص تین بچوں کا باپ ہے اور وہ اپنی بیوی کے ساتھ ناروچ میں ریئلٹی اسٹیٹ ایجنٹ کے طور پر کام کرتا تھا۔ انکوائری میں یہ بات سامنے آئی ہے کہ اس کی موت کوکین اور اوپیئڈ نامی دوا کے باعث ہوئی ہے۔
عدالت میں، اس کے اہل خانہ نے ایڈم کے بارے میں بتایا کہو وہ اپنی بیوی لوسی کے لیے والہاںہ جذبات رکھتا تھا جس کے ساتھ وہ 11 سال سے رہ رہا تھا۔ وہ اس کے لیے ’سب کچھ‘ تھی۔
